അദ്ദിക്ർ

സത്യമായ അദ്ദിക്ര്‍ അവതരിപ്പിച്ചിട്ടുള്ളത് ജാതി-മത-ലിംഗ-വര്‍ണ്ണ-ഭാഷ-ദേശ ഭേദമന്യേ എല്ലാ മനുഷ്യര്‍ക്കും വേണ്ടിയാണ് എന്നാണ് സൂക്തം പറയുന്നത്. മൊത്തം മ നുഷ്യര്‍ക്ക് അത് എത്തിച്ചുകൊടുക്കല്‍ അല്ലാഹുവിന്‍റെ പ്രതിനിധികളായ വിശ്വാസികളുടെ മേല്‍ ഒഴിച്ചുകൂടാന്‍ പറ്റാത്ത ബാധ്യതയാണ്. അതിനെ മൂടിവെക്കുന്നപക്ഷം അവര്‍ വി ചാരണയില്ലാതെ നരകത്തില്‍ പോകുന്ന മനുഷ്യപ്പിശാചുക്കളായി മാറുന്നതാണ്. ഒരാള്‍ ക്കും മറ്റൊരാളെ സന്മാര്‍ഗത്തിലാക്കാന്‍ സാധിക്കുകയില്ല. നിഷ്പക്ഷവാനായ നാഥന്‍ എല്ലാ ആത്മാവിനും സ്വര്‍ഗത്തില്‍ വെച്ച് ഗ്രന്ഥം പഠിപ്പിച്ചിട്ടുള്ളതിനാല്‍ അവനെയും കു റ്റപ്പെടുത്താന്‍ സാധ്യമല്ല. എല്ലാ ഓരോ കാര്യവും വിശദീകരിച്ചിട്ടുള്ള, നാഥനില്‍ നിന്നു ള്ള സന്മാര്‍ഗമായ അദ്ദിക്ര്‍ ഇന്ന് ഒരു ഗ്രന്ഥമായി രൂപപ്പെട്ടിരിക്കെ അതിനെ മുറുകെപ്പിടിച്ച് ജീവിക്കുന്നവന്‍-പുരുഷനാകട്ടെ, സ്ത്രീയാകട്ടെ-സന്മാര്‍ഗത്തിലായി എന്ന് 2: 256; 3: 101; 5: 48 എന്നീ സൂക്തങ്ങളിലെല്ലാം പറഞ്ഞിട്ടുണ്ട്. അദ്ദിക്റിനെ മൂടിവെച്ച് അറബി ഖുര്‍ആന്‍ വായിക്കുന്ന ഫുജ്ജാറുകള്‍ തങ്ങളുടെ മുഖങ്ങളില്‍ നരകക്കുണ്ഠത്തിലേക്ക് വലിച്ചിഴക്കപ്പെടാനുള്ള ഏറ്റവും ദുഷിച്ച സ്ഥാനത്തുള്ള ഏറ്റവും വഴിപിഴച്ചവരാണെന്ന് 25: 34, 65-66 എന്നീ സൂക്തങ്ങളില്‍ പറഞ്ഞിട്ടുണ്ട്. മുമ്പ് അവതരിപ്പിക്കപ്പെട്ടിട്ടുള്ള 312 ഗ്രന്ഥങ്ങളും അവയുടെയെല്ലാം നേരെച്ചൊവ്വെയുള്ള വിശദീകരണങ്ങളും അടങ്ങിയിട്ടുള്ള അദ്ദിക്ര്‍ പ്രവാചകന് അവതരിപ്പിക്കപ്പെട്ടിട്ടുള്ളത് പ്രവാചകന്‍ അത് മനുഷ്യര്‍ക്ക് വിശദീകരിച്ച് കൊടുക്കുന്നതിനും അവര്‍ അതിനെക്കുറിച്ച് ആലോചിച്ച് മറ്റുള്ളവരിലേക്ക് പ്രതിഫലിപ്പിക്കുന്നതിനും വേണ്ടിയാണെന്ന് 16: 43-44 ല്‍ പറഞ്ഞിട്ടുണ്ട്. 6: 104; 10: 100, 108; 39: 23 വി ശദീകരണം നോക്കുക.